心理。治療

今日見左一位輔導員，某個課程既同學，只係吃一餐飯。完左之後佢話留意到我、我上輩、我上上輩都經歷左親密關係既分離，話唔知對我既親密感有咩影響。嬲左！

如果你係治療師，係社工或者係做對人工作既人，麻煩你係運用你既知識既同時，留意一下人地係咪需要你運用你既知識。
第二，麻煩你係運用你既知識既時候，做足少少功課，做多少少評估，然後先去運用，如果唔係就會用到好似Ｄ學藝未精既醫生／相士／神婆咁，見到少少線索就衝出黎解讀，好既就推動，唔好既可以禍害好大。

第一，我既親密感同親密關係最直接都係我同父母之間既關聯，至於佢地由上一輩傳承落黎既，你可以用BOWEN既THEORY去推敲有冇關聯，但係唔係必然，而且呢一點對於推動人既改變黎講有幾大幫助，麻煩你係講說話之前好好諗諗，輔導人員唔代表要將你所有識既野講哂出黎。

第二，你識左我幾耐，你知道我既野有幾多，咁樣踩入黎，我真係要用踩入黎，係咪有D過火。

第三，你點知我究竟有幾大既承受能力，就算我有呢個承受能力，你點知我想唔想去接觸，就算你話接觸係一件好事，點樣接觸，幾時接觸絕對都係當事人自己既決定。

第四，亦都係最後一點，我好肯定，你踩入黎呢點有點離天萬丈。

You treat a disease, you win, you lose. You treat a person, I guarantee you, you'll win, no matter what the outcome.