雞蛋是呀葛第一道下廚的菜色，
嗯，在半被逼的情況下。
結果雞蛋生熟不均，連殼上碟。
你還記得第一次自己煎雞蛋的情況嗎？
一個小測試
問題一：
煎蛋有什麼工序？
（入內繼續回答）
問題二（接上題）：
應該先開火還是先落油？火應該開多大？大火是多大，細火是多細？什麼時間落油？落多少油？如何敲開雞蛋？要不要打蛋？打蛋是怎樣打，劃圈打還是一字型打？煎蛋時要不要反？要不要落鹽？落多少鹽？什麼時候落？要煎多長時間？蛋怎樣才是熟？
如果你對上述概念並唔清晰，相信你應該好少煎雞蛋，甚至從未落廚。
如果你對上述概念都有一個清晰的想法，恭喜你，你應該識煎雞蛋。
如果你能夠清晰具體地回答上述問題並講解所有工序，恭喜你，我估你有教開／睇開煮野食節目，並且能夠按需要煎出唔同口味既雞蛋。
對一個從未煮食，甚少入廚房偷野食（順便八卦，再順順便偷師），也對煮食沒有興趣的人而言，三個字「鬼知咩」。
呀葛第一次煮食就是在這樣的情況。被逼的。
「你呢Ｄ咁求其，咁不知所謂既人就只係配食呢Ｄ咁不知所謂既雞蛋！」
其實每個人都不想自己「求求其其」，都想自己能夠有自己的能力，獲得某種成功感。
但身為一個曾經完全不下廚的人（現在也不敢講自己會煮野食），在聽到別人說煮野食很簡單：「你地講就易，你地講完我都唔知點煮。」
涼瓜承諾呀葛：「你煎得好一隻蛋，我就教你煮野食。」
這句說話就成為了呀葛的動力，過程中仍然會面對挫折，失敗。
「煎好一隻雞蛋」並非易事。但是有了涼瓜的承諾和無限次機會，呀葛愈煮愈好，呀蟹的苦瓜炒蛋成功由於呀葛的指導。
動力很重要，實際行動也很重要，日月有功，任何轉變都沒有神奇之處。
相信、嘗試、堅持，最後總會有所得着的。
（其實我成日都想有人教同有人示範，就好似有教材，有標準答案咁，唔駛亂咁摸呀嘛。）
（不過有人教、有人問、有人示範真係唔係必然，係冇既情況下，試左先啦，舊時啲人咪又係摸摸下摸出黎。）
（舊時既人用左都唔知幾多年先摸到，家陣香港人講成效架嘛。）
（又想做得好，又想易做到）
（成日得個「諗」字，唔怪得最後複雜既又做唔到，簡單既又做唔好啦）
沒有留言:
張貼留言